MHRD National Digital Library Educational Digital Content from KG to PG @ndl.iitkgp.ac.in
National Digital Library of India| MHRD National Digital Library Educational Digital Content from KG to PG @ndl.iitkgp.ac.in | Ministry of Human Resourcea Development of India has Launched Digitial Library for Learners like Audio Content and Video Content with the Coordination of IIT Kharagpur | Indian Institute of Technology Kharagpur created a website for learners where we can get Digital Content for learners at all levels Register Online for Digital Content from HRD, Govt of India Educational Materials are avalable at http://ndl.iitkgp.ac.in | Digital Content for Learners is available in English and 70 Reginal Languages mhrd-national-digital-library-ndl.iitkgp-audio-video-content-download-for-all-level-learners-kharagpurఅరచేతిలో పుస్తక ప్రపంచం
ప్రభుత్వ కొలువు సాధించాలంటే ప్రణాళికాబద్ధంగా చదవడంతో పాటు.. పరీక్షలకు అవసరమైన పుస్తకాలు అందుబాటులో ఉండాలి. రాష్ట్ర ప్రభుత్వం ఇప్పటికే వివిధ శాఖల్లో ఉండే ఖాళీలను భర్తీ చేసేందుకు గ్రూప్‌ 1, 2, డీఎస్సీ నోటిఫికేషన్లను ప్రకటించింది. యూపీఎస్సీ, స్టాఫ్‌ సెలక్షన్‌ కమిషన్‌, ఆర్బీఐ, బ్యాంకింగ్‌ మొదలైన ఉద్యోగాలు సాధించేందుకు అభ్యర్థులు గ్రంథాలయాలు, శిక్షణ కేంద్రాల బాట పట్టారు. మరికొందరు ఇంటి వద్దనే సిద్ధమవుతున్నారు. ఈ క్రమంలో ఆర్థిక స్థోమత, పుస్తకాలు అందుబాటులో లేనివారికి అంతర్జాలం చక్కటి వేదికగా మారింది. అవసరమైన పరిజ్ఞానం కోసం సమగ్ర సమాచారంతో కూడిన ‘నేషనల్‌ డిజిటల్‌ లైబ్రరీ ఆఫ్‌ ఇండియా’ (ఎన్‌డీఎల్‌ఐ) వెబ్‌సైట్‌లో కొన్ని లక్షల పుస్తకాలు నిక్షిప్తమై ఉన్నాయి. నీట్‌, జేఈఈ, కేంద్ర, రాష్ట్ర ప్రభుత్వాలు నిర్వహించే వివిధ పోటీ పరీక్షలకు సిద్ధమయ్యేందుకు అవసరమైన స్టడీ మెటీరియల్‌తో పాటు గత ప్రశ్నపత్రాలు అందుబాటులో ఉన్నాయి.
కేజీ నుంచి పీజీ వరకు
ప్రాథమిక పాఠశాలల విద్యార్థుల నుంచి పోస్టు గ్రాడ్యుయేషన్‌ విద్యార్థుల వరకు ఆన్‌లైన్‌ పుస్తకాలు అందించాలనే ఉద్దేశంతో కేంద్ర ప్రభుత్వం ఎన్‌డీఎల్‌ఐని ప్రారంభించింది. దీన్ని ఖరగ్‌పూర్‌ ఐఐటీ అభివృద్ధిచేసింది. అన్ని భారతీయ భాషల నుంచి ముఖ్యమైన పుస్తకాలను దీనిలో భద్రపరిచింది. ఐఐటీ జేఈఈ, నీట్‌, జామ్‌, గేట్‌, యూజీసీ నెట్‌ పరీక్షలకుకావాల్సిన మెటీరియల్‌, ఆడియో, వీడియో పాఠాలు అందుబాటులో ఉన్నాయి. జాతీయ విద్య, శిక్షణ పరిశోధనసంస్ధ(ఎన్సీఈఆర్టీ) రూపొందించిన వివిధ తరగతుల పాఠ్యపుస్తకాలు, ప్రముఖ విశ్వవిద్యాలయాలకు చెందిన నిపుణులు వివిధ రంగాలకు సంబంధించి చేసిన 38 వేల పరిశోధన వ్యాసాలు ఉన్నాయి. పరిశోధనలకు ఉపయోగపడే వేల సంఖ్యలో అధ్యయనాలు ఉన్నాయి. ఎన్‌డీఎల్‌ఐలో ఏ విభాగానికి సంబంధించిన పుస్తకాలు కావాలో దానిపై క్లిక్‌ చేస్తే ఆయా పాఠ్యాంశాల పేజీలు ప్రత్యక్షమవుతాయి.
రిజిస్ట్రేషన్‌ చేసుకుంటే సరి
నేషనల్‌ డిజిటల్‌ లైబ్రరీ ఆఫ్‌ ఇండియాలో తొలుత https://ndl.iitkgp.ac.in వెబ్‌సైట్‌లో రిజిస్ట్రేషన్‌ ప్రక్రియ పూర్తిచేయాలి. పేరు, పుట్టిన తేదీ, పట్టణం/గ్రామం, మెయిల్‌ ఐడీ, పాస్‌వర్డ్‌, చదువుతున్న విద్యాసంస్థ పేరు నమోదు చేయాలి. చదువు పూర్తయిన వారు జిల్లా గ్రంథాలయం పేరు నమోదు చేస్తే సరిపోతుంది. మెయిల్‌ ఐడీ, పాస్‌వర్డ్‌తో లాగిన్‌ అయిన తరువాత కావాల్సిన పుస్తకాలు చదువుకోవచ్చు. దీనిలో ఉచితంగా విద్యార్థులు, నిరుద్యోగులకు కావాల్సిన స్టడీ మెటీరియల్‌ అందుబాటులో ఉంటుంది.
నట్టింట్లోకి పుస్తకం
► కోటి పుస్తకాలను అందరికీ అందుబాటులోకి తెచ్చిన కేంద్రం
► ఖరగ్‌పూర్‌ ఐఐటీ సాయంతో హెచ్‌ఆర్‌డీ మినిస్ట్రీ భారీ కసరత్తు
► ఒకటో తరగతి నుంచి పీహెచ్‌డీ వరకు
అన్నిరకాల పుస్తకాలు
► కేవలం ఇంటర్నెట్‌ కనెక్షన్‌ ఉంటే చాలు..
ఓ గ్రంథాలయం ఉన్నట్టే
► దేశంలోనే తొలిసారిగా అందుబాటులోకి వచ్చిన నేషనల్‌ డిజిటల్‌ లైబ్రరీ
ఉద్యోగ పరీక్షలకు సిద్ధం అయ్యే అభ్యర్థులైనా..
పోటీ పరీక్షలకు ప్రిపేర్‌ అయ్యే విద్యార్థులైనా..
ఫలానా పుస్తకం దొరకడం లేదన్న బెంగ అక్కర్లేదు.
కాలేజీ లైబ్రరీలో ఒకే పుస్తకం ఉంటే..
దానిని వేరొకరికి ఇచ్చేశారు...
ఇక తానెలా చదువుకునేది? అన్న ఆందోళన
కాలేజీ విద్యార్థులకు అవసరం లేదు.
యూపీఎస్సీ నిర్వహించే సివిల్స్, రాష్ట్ర సర్వీస్‌ కమిషన్‌ నిర్వహించే గ్రూప్స్, ఎన్సీఈఆర్టీ సిలబస్‌కు సంబంధించిన రిఫరెన్సు పుస్తకాలను
ఎలా కొనాలనే ఆలోచనా వద్దు. ఇప్పుడివన్నీ ఒకేచోటే అందుబాటులోకి వచ్చాయి! ఇవే కాదు..
ఒకటో తరగతి నుంచి పీహెచ్‌డీ వరకు
అవసరమైన రిఫరెన్సు పుస్తకాల దాకా
అన్నీ అందుబాటులో ఉన్నాయి.
ఆన్‌లైన్‌లో చదువుకోవచ్చు.
వెబ్‌సైట్‌ నుంచి డౌన్‌లోడ్‌ చేసుకోవచ్చు. కావాలనుకుంటే వాటికి సంబంధించిన
వీడియోలు చూడవచ్చు. ఆడియోలను వినవచ్చు. పీడీఎఫ్‌ కాపీలను కూడా పొందొచ్చు.
ఇందుకు కావాల్సిందల్లా ఇంటర్నెట్‌ సదుపాయం. అదొక్కటి ఉంటే ఏ పుస్తకం అయినా చదువుకోవచ్చు. ఒకటి కాదు.. రెండు కాదు.. కోటికిపైగా పుస్తకాలను, ఆర్టికల్స్, రచనలను, విమర్శనా వ్యాసాలు..
నెట్‌ ఉంటేచాలు నట్టింట్లో ఉన్నట్లే.
ఐఐటీ ఖరగ్‌పూర్‌ సాయంతో కేంద్ర మానవ వనరుల అభివృద్ధి మంత్రిత్వశాఖ ఈ భారీ కసరత్తును చేసింది.
https://ndl.iitkgp.ac.in
పై క్లిక్‌ చేసి అవసరమైన పుస్తకాన్ని చదువుకునే సదుపాయాన్ని అందుబాటులోకి తెచ్చింది.
అదనంగా నయా పైసా ఖర్చులేదు..
ఇంటర్నెట్‌ కనెక్షన్‌ ఒక్కటుంటే చాలు...
అదనంగా నయాపైసా ఖర్చు లేకుండా
డిజిటల్‌ పుస్తకాలు, ఆర్టికల్స్, వీడియోలు, ఆడియోలు చూడొచ్చు.
సాధారణ గ్రంథాలయాల తరహాలో డిపాజిట్లు అక్కర్లేదు. అవసరమైన పుస్తకాన్ని వెతుక్కునేందుకు ఎక్కువ సమయం కూడా అవసరం లేదు.
ఒక్క క్లిక్‌తో కావాల్సిన పుస్తకాన్ని చదువుకోవచ్చు.
అన్ని రంగాల పుస్తకాలూ..
దేశంలోని పలు యూనివర్సిటీలు,
పరిశోధన సంస్థలు, ప్రభుత్వ విభాగాలకు చెందిన పుస్తకాలను డిజిటలైజ్‌ చేసి ఈ డిజిటల్‌ గ్రంథాలయంలో ఉంచారు.
సాధారణ విద్య నుంచి సాంకేతిక పరిజ్ఞానం వరకు.. చరిత్ర నుంచి సాహిత్యం వరకు..
అన్ని రంగాలకు చెందిన పుస్తకాలు డిజిటల్‌ లైబ్రరీలో అందుబాటులో ఉన్నాయి. విద్యార్థులే కాదు పరిశోధకులు, పఠనాసక్తి ఉన్నవారు
తమకు కావాల్సిన భాషలో డిజిటల్‌ పుస్తకాలను చదువుకోవచ్చు. ఇంగ్లిషే కాదు.. అనేక విదేశీ భాషలకు సంబంధించిన పుస్తకాలు కూడా ఉన్నాయి.
జాతీయ విద్యా పరిశోధన, శిక్షణ మండలి(ఎన్సీఈఆర్టీ) పుస్తకాలన్నింటినీ కూడా కంప్యూటరీకరించి ఇందులో ఉంచారు.
అంతేకాదు త్వరలో మెుబైల్‌ యాప్‌ను అందుబాటులోకి తెచ్చేందుకు ప్రయత్నాలు జరుగుతున్నాయి.
డిజిటల్‌ లైబ్రరీ ప్రత్యేకతలు ఎన్నెన్నో...
► 70కి పైగా భాషల్లో... కోటికి పైగా ఈ–పుస్తకాలు
► 2 లక్షల మంది ప్రముఖుల 3 లక్షల ఆర్టికల్స్
► లక్ష మంది భారతీయ విద్యార్థుల థీసిస్‌లు
► రాతప్రతులు, వివిధ భాషల్లో ఆడియో లెక్చర్లు
► 18 వేలకు పైగా వీడియో ఉపన్యాసాలు
► 33 వేలకు పైగా గత ప్రశ్నాపత్రాలు
► యూనివర్సిటీలు, పాఠశాల బోర్డుల ప్రశ్నాపత్రాలు, జవాబులు
► వ్యవసాయం, సైన్స్, టెక్నాలజీ రంగాల వెబ్‌ కోర్సులు
► సమాచార నిధి, వార్షిక నివేదికలు, 12 వేలకుపైగా వివిధ నివేదికలు
► సాంకేతిక కోర్సుల నివేదికలు, న్యాయ తీర్పులు
పోటీ పరీక్షలకు సిద్ధం అయ్యే వారికి ప్రయోజనం ఎంతో...
పోటీ పరీక్షలకు సిద్ధం అయ్యే అభ్యర్థులకు ఈ డిజిటల్‌ లైబ్రరీతో ఎంతో ప్రయోజనం చేకూరనుంది. గత పరీక్షల్లో ఎలాంటి ప్రశ్నలు అడిగారు? వాటిని ఎలా పరిష్కరించారో తెలుసుకోవచ్చు. అయితే వాటికి సంబంధించి మార్కెట్‌లో ఉన్న పుస్తకాలను కొనుక్కోవాల్సిన అవసరం లేదు. ఒక్క క్లిక్‌తో వాటిని పొందవచ్చు.
రిజిస్ట్రేషన్‌ సులభం
- డిజిటల్‌ లైబ్రరీలో పుస్తకాలు తీసుకోవడం
- చాలా సులభం. ఈ–మెయిల్‌ ఐడీ,
- తాము చదువుతున్న కోర్సు, యూనివర్సిటీ పేరు నమోదు చేసి రిజిస్ట్రేషన్‌ చేస్తే చాలు.
- ఈ వివరాలను నమోదు చేసిన తరువాత
- తాము పేర్కొన్న ఈ–మెయిల్‌ ఐడీకి లింకు వస్తుంది. ఈ లింకుపై క్లిక్‌ చేస్తే రిజిస్ట్రేషన్‌ పూర్తవుతుంది.
- ఆ తరువాత ఈ–మెయిల్‌ ఐడీ, పాస్‌వర్డ్‌
- నమోదు చేసి లైబ్రరీలో లాగిన్‌ కావచ్చు.
Click Here to Download
MHRD National Digital Library
